Kontraċezzjoni:
Sib l-aħjar metodu għalik.
Fuq din il-paġna ssib informazzjoni fuq kontraċettivi differenti li jinstabu Malta, il-prezz tagħhom, u il-vantaġġi u l-iżvantaġġi tagħhom. Jekk diġa kellek x'taqsam mingħir kontraċettiv, jew il-kontraċettiv falla (eżempju l-kondom inqasmet) trid tieħu l-morning after pill biex tevita t-tqala.
Il-kontraċettivi jgħhinu biex tevita tqala, imma hemm ċertu affarijiet li trid tkun taf:
-
Kull kontraċettiv jista jfalli, imma ċertu kontraċettivi bħall-IUD u l-implant rarament ifallu u huwa ta' min joqgħod fuqhom.
-
Il-kondoms huma l-uniċi kontraċettivi li jgħinu biex ma jinxteridx mard sesswali.
-
Ċertu kontraċettivi, speċjalment dawk li jużaw il-hormones, jista jkollhom effetti negattivi u ċertu persuni ma jkunux jistgħu joħduhom.
-
Ikkonsulta mat-tabib jew spiżjar jekk tixtieq għinuna biex tagħżel kontraċettiv. Tista' wkoll tkellem lilna billi tuża ċ-chat fuq din il-websajt.
L-ispiżeriji huma l-post ewlieni minn fejn jinxtraw il-kontraċettivi f'Malta. Minn spiżerija tista' tixtri l-kondoms u l-morning after pill mingħajr riċetta ta' tabib. B'riċetta tat-tabib tista' tixtri l-pillola kontraċettiva u ċ-ċirku vaġinali. F'bosta spiżeriji f'Malta jpoġġu tobba privati li (bil-ħlas) jistgħu jipprovduk b'riċetta għal kontraċezzjoni. Tista’ wkoll tara tabib f’ċentru tas-saħħa biex tikseb riċetta għal kontraċezzjoni b’xejn.
Biex issib l-eqreb spiżerija tiegħek f'Malta jew Għawdex ikklikkja hawn. Waqt Ħdud jew btajjel pubbliki tista’ tiċċekkja liema spiżeriji huma miftuħa fuq dan ir-roster.
Normalment, ikollok tixtri l-kontraċettivi tiegħek bi flusek, anke jekk ikollok riċetta mingħand tabib minn ċentru tas-saħħa. Sfortunatament, f'Malta m'hemm l-ebda skema ta' sussidju jew ta' rimborż għal kontraċettivi, u għalhekk ikollhom jinxtraw bil-prezz tas-suq. Jekk ma tixtieqx tinqabad tqila għal numru ta' snin, jista' jkun irħas jekk tagħżel kontraċettiv li jaħdem fit-tul.
Eċċezzjoni notevoli hija li l-IUD jista' jsir fuq is-servizz tas-saħħa nazzjonali (f'Mater Dei) jekk għandek periods qawwijin, pero xorta waħdas jistgħu jistaqsuk tħallas għall-IUD innifsu. Hemm ukoll organizzazzjonijiet volontarji bħall-Fondazzjoni Women for Women li f'ċertu każijiet jistgħu jgħinuk tħallas għall-kontraċettivi.
Dawn huma tipi ta' kontraċettivi li għandhom jintużaw regolarment u jeħtieġu li tiftakar li tużahom kif suppost. Dawn għandhom tendenza li jkollhom prezz inizjali aktar baxx, iżda huma aktar probabbli li jfallu minn kontraċettivi b'azzjoni fit-tul. Huma faċli biex twaqqafhom jekk tiddeċiedi li tipprova toħroġ tqila.
Il-kondoms huma l-uniċi kontraċettivi li jipproteġu kontra mard trasmess mis-sess.
Meta jkunu użati b'mod perfett, jipproteġu mit-tqala f'98% tal-każijiet, iżda għal ħafna koppji din hi iktar viċin il-85%.
Kondoms huma relattivament irħas, u jinstabu f'ħafna postijiet madwar Malta inkluż f'spiżeriji, supermarkets, u fit-toilets ta' ħafna stabbilimenti. Tista' ssib kondoms tal-irġiel kif ukoll kondoms tan-nisa.
Il-pillola kontraċettiva, magħrufa bħala "il-pill," hija waħda mil-aktar kontraċettivi popolari f'Malta.
Il-pill fiha hormone wieħed jew tnejn li jwaqqfu l-bajda tal-mara kull xahar. Jekk tintuża kif suppost, il-pill hija sa' 99% effettiva kontra t-tqala.
Biex tixtriha għandek bżonn riċetta tat-tabib, u tinstab f'kull spiżerija f'Malta. Il-pill tqum madwar 10 EUR kull xahar.
Iċ-ċirku vaġinali huwa ċirku flessibbli tal-plastik bl-ormoni li joqgħod fil-vaġina u jipprevjeni t-tqala. Ċirku jiddaħħal mill-mara nfisha u jitneħħa wara 21 jum. Wara 7 ijiem jiddaħħal ċirku ġdid.
Iċ-ċirku huwa 99% effettiv kontra t-tqala jekk jintuża kif suppost.
F'Malta iċ-ċirku vaginali jqum madwar 20-30 Ewro fix-xahar.
Dawn huma kontraċettivi li jiddaħħlu permezz ta’ proċedura minuri u jservu għal numru ta’ snin. Dawn għandhom tendenza li jkollhom spejjeż inizjali ogħla minn kontraċettivi oħra, iżda sikwit iġibu prezzhom fit-tul. Ma jeħtiġux li tiftakar li tużahom regolarment, u jipprevjenu t-tqala f'iktar minn 99% tal-każijiet, b'hekk huma l-aktar kontraċettivi effettivi. Jekk tiddeċiedi li tipprova għal tarbija, ikollok bżonn li tneħħihom permezz ta' proċedura minuri oħra.
L-Intrauterine Device huwa perfett jekk tixtieq kontraċettiv li tagħmlu darba u tinsieh.
Bl-IUD m'għandekx għalfejn tiftakar tieħu pillola kuljum jew tuża kondom.
Hemm zewġ tipi ta' IUDs: il-copper coil u dawk li jużaw il-hormones (Mirena and Jaydess.)
Huwa faċli tipproteġi lilek innifsek mit-tqala b'implant, għax m'għandekx għalfejn tiftakar tieħu pilloli jew tagħmel xi ħaġa oħra wara li jkun f'postu.
L-implant fih biċċa plastik zgħira bil-mediċina fuqha li titpoġġa taħt il-ġilda madwar l-ispalla. L-implants li jinstabu Malta jservu madwar 3 snin.
L-implant huwa ideali għal dawk in-nisa li ma jistawx jużaw oestrogen, għax dan juża hormones oħrajn biex jipproteġi mit-tqala.
L-injezzjoni kontraċettiva hija mediċina likwida li għall-kuntrarju ta’ kontraċettivi oħra li jaħdmu fit-tul ma teħtieġx li jiddaħħal oġġett solidu f’ġismek.
L-injezzjonijiet kontraċettivi fihom l-ormon proġestoġen li jipprevjeni t-tqala għal 13-il ġimgħa kull doża.
L-injezzjoni kontraċettiva tqum madwar 50 Euro għal kull doża.
Kuntrarju għal kontraċettivi oħra, li għandhom jintużaw jew jiddaħħlu qabel isir is-sess, il-kontraċettivi ta' emerġenza jintużaw jew jiddaħħlu wara s-sess biex tiġi evitata t-tqala. Jistgħu jintużaw wara sess mhux protett jew jekk il-metodu regolari ta' kontraċezzjoni falla, per eżempju jekk il-kondon jinfaqa'. Hemm żewġ tipi ta' kontraċezzjoni ta' emerġenza - il-morning after pill u l-IUD tar-ram. L-IUD tar-ram huwa iktar effettiv bħala kontraċettiv ta' emerġenza mill-morning after pills, iżda sfortunatament ma jintużax għal dan il-għan f'Malta minħabba liġijiet restrittivi dwar l-abort.
Il-morning after pill tnaqqaslek iċ-ċans li toħroġ tqila wara s-sess b'75%. Dan ifisser li jipprevjeni tlieta minn kull erba' tqaliet.
Hemm żewġ tipi ta' morning after pill f'Malta: EllaOne u pilloli bbażati fuq Levonorgestrel. EllaOne probabbilment hija iktar effettiva mill-pilloli l-oħra f'nisa ta' pis oli u jekk jintuża madwar iż-żmien tal-ovulazzjoni.
Il-pilloli bbażati fuq Levonorgestrel jiswew madwar 15-il Ewro u EllaOne tiswa madwar 35 Ewro. M'għandekx bżonn riċetta tat-tabib biex tixtrihom.
